Öll vitum við að kaffi verður til úr kaffibaunum sem vaxa á trjám í kaffibeltinu. En hver uppgötvaði kaffi? Hverjir drekka mest af kaffi og hvaða kaffi er sterkasta kaffi í heimi? Það má segja að kaffi sé ótæmandi uppspretta skemmtilegra staðreynda og við ætlum að tæpa á nokkrum hér að neðan:

Í einu pundi eða 450 grömmum af kaffi má finna 3,500 - 4,000 kaffibaunir.

Í einum kaffibolla eru svo sirka 80 kaffibaunir, hvorki meira né minna!

Sterkasta kaffi heims nefnist Death Wish Coffee.

Má það teljast nokkuð lýsandi nafn, en það inniheldur fjórum sinnum meira koffínmagn en hefðbundið kaffi.

Norðurlandaþjóðir elska kaffi.

Á nýlegum lista yfir þau lönd sem neyta mest af kaffi er Ísland í þriðja sæti, Noregur í öðru og Finnland á toppnum.

Fyrstu menn til að rækta kaffi voru Arabar á 16. öld.

Var drykkja kaffis þá aðallega tengd trúarlegum athöfnum. Frakkar kynntu síðar til sögunnar fyrstu almennu espresso-vélina árið 1843.

Eþíópískur geitahirðir uppgötvaði kaffi?

Ein stærsta þjóðsagan sem snýr að kaffi segir að töfrar kaffis hafi fyrst verið uppgötvaðir í kringum 850 e.kr. þegar að geitahirðir í Eþíópíu tók eftir breytingum á geitum sínum (urðu verulega sprækar) eftir að þær höfðu nartað á kaffiplöntunum. Aðrir segja að kaffi hafi verið uppgötvað jafnvel ennþá fyrr í Yemen.

Brasilía hefur verið stærsti framleiðandi kaffis frá því á 19. öld. 

Víetnam og Kólumbía eru í öðru og þriðja sæti.

Lífshættulegt magn af kaffi fyrir venjulegan mann er inntaka um 100 bolla kaffis

Mælum ekki með tilraunum til að afsanna þá kenningu.

Kaffibaunir skipta litum

Baunirnar byrja grænar og eftir því sem þær þroskast verða þær gular, appelsínugular eða rauðar,  eftir tegund kaffiplöntunnar.

Í Eþíópíu fyrirfinnast þúsundir tegundir kaffiplantna

Ákveðnar tegundir eru vinsælastar í kaffiræktuninni, en skógar Eþíópíu geyma þó þúsundir fjölbreyttra tegunda sem enn á eftir að prófa að rækta. 

Kaffiplanta getur lifað í yfir 100 ár

Kaffiplöntur eru vægast sagt seinþroska, þær taka sér tíu ár til að verða fullþroska og geta lifað í allt að 100 ár.

Elsta þekkta heimild um kaffi á Íslandi er frá 16. nóvember 1703 

Í bréfi sem Lárus Gottrup lögmaður skrifaði Árna Magnússyni prófessor og handritasafnara.

Þangað til næst!

xx Kaffiklúbburinn